यस वर्ष बारा जिल्लामा ६० प्रतिशत मात्र चैते धानको रोपाइ सम्पन्न

समाज

गृहपृष्ठ
समाज

यस वर्ष बारा जिल्लामा ६० प्रतिशत मात्र चैते धानको रोपाइ सम्पन्न

choicekhabar शुक्रबार, वैशाख २१, २०८१

२१ वैशाख, वीरगञ्ज । यस वर्ष बारा जिल्लामा ६० प्रतिशत मात्र चैते धानको रोपाई भएको छ ।

जिल्लाको उत्तरी क्षेत्रका किसान यस वर्ष १६ हजार हेक्टरमा हर्दिनाथ–१, चैते–१, चैते–२, चैते–४ जातको धान रोपेका छन् ।

लामो समयदेखको खडेरीमा पनि आफैँले सिँचाइको व्यवस्था गरेर उत्तरी क्षेत्रका किसानले धान रोपाई गरेका छन् । तर दक्षिणी क्षेत्रका किसानले खडेरीले गर्दा रोपाइँ गर्न सकेको छैनन् ।

“भदैया, अग्हनी धानको उत्पादकत्वभन्दा चैतेधानको उत्पादन बढी हुने भएकाले चैतेधान खेतीतर्फ किसान बढी आकर्षित हुने गरेका हुन्छन्” कृषि ज्ञान केन्द्र बाराका प्रमुख राज नारायण प्रसाद साहले भने ।

गत वर्ष किसानले कुल १६ हजार हेक्टर क्षेत्रफलमा चैतेधान खेती गरी प्रतिहेक्टर पाँच मेट्रिक टन उत्पादन गरेका थिए । साहका अनुसार यसपाली लामो समयदेखिको खडेरीले गर्दा धान रोपाईमा केही कमी भएको उत्पादनमा समेत कमि आउने अनुमान छ ।

चैतभित्रै किसानले चैतेधान रोपाइँ सम्पन्न गरिसक्नुपर्नेमा वैशाखको मध्यसम्म पनि रोपाई भएको उनको भनाई छ ।

आफै सिचाईको व्यवस्था गरेका किसानले मात्र यसपालि धान रोपाई गरेका छन् भने अन्य भने खडेरी कै कारण रोपाईमा चासो नदिएका हुन् ।

प्रकाशित मिति: शुक्रबार, वैशाख २१, २०८१ १०:५५

प्रतिक्रिया दिनुहोस्