अभिनेत्री प्रियंका चोपडाका श्रीमान् निक भाइरसबाट संक्रमित

मनोरन्जन

गृहपृष्ठ
मनोरन्जन

अभिनेत्री प्रियंका चोपडाका श्रीमान् निक भाइरसबाट संक्रमित

choicekhabar आइतबार, वैशाख २३, २०८१

न्यूयोर्कः अभिनेत्री प्रियंका चोपडाका गायक श्रीमान् निक जोनस यतिबेला चर्चामा छन् । निक आफ्नो म्यूजिकल कन्सर्टका कारण चर्चामा आउँछन् । तर उनले स्वास्थ्य समस्याका कारण केही कन्सर्ट सारेका छन् ।

यी अमेरिकी गायकले आफ्ना फ्यानसमक्ष भिडियो सन्देशमार्फत माफी मागेका छन् । उनले आफूलाई खतरनाक भाइरसको संक्रमण भएको खुलाएका छन् ।

उनले आफ्नो इन्स्टाग्राममा एक भिडियो राखेका छन् । जहाँ उनले फ्यानलाई कन्सर्ट सार्नु पर्दा माफी मागेका छन् ।

भिडियोमा जोनस ब्रदर्सको कन्सर्ट टुर सार्नु पर्ने कारण पनि खुलाएका छन् । उनले आफूलाई इन्फ्लुएन्जा ए भाइरसले समातेको बताएका छन् ।

‘म निक हुँ । मसँग तपाईंहरुलाई सुनाउनु पर्ने एउटा खबर छ, जुन खबर राम्रो छैन तर बताउन आवश्यक छ । केही दिनअघि मलाई केही अनौठो अनुभव भयो । जब म बिउँझिएँ, मेरो स्वर निस्किएन । त्यो राति म कन्सर्टको लागि अभ्यास गरिरहेको थिएँ । पछिल्लो दुई दिनयता मेरो अवस्था विस्तारै विस्तारै खराब हुँदै गएको छ । म हिजो दिनभरी ओछ्यानै रहेँ । ज्वरो, शरीरमा दुखाई, गलामा खराबी र धेरै खोकी छ, भिडियो सन्देशमा निकले भनेका छन् ।

निकले अगाडि भनेका छन् – ‘मलाई ठीक हुन आवश्यक छ । मलाई तपाईँहरुलाई निराश बनाउँदा दुःख लागेको छ । तपाईँ हामीलाई साथ दिनका लागि धेरै गर्नु हुन्छ तपाईंहरुमध्ये धेरै शोमा सहभागी हुन यात्रा गरिसक्नु भएको होला । म यो कुरा भन्न चाहन्छु कि म यो कुराबाट दुःखी छु । म चाँडै ठीक हुने कोशिस गर्दैछु ।

उनले आफूलाई इन्फ्लूएन्जा–ए नामक खतरनाक भाइरसले भेटेको उल्लेख गरेका छन् । ‘हेल्लो साथीहरु, मलाई एन्फ्लूएन्जा–ए को खतरनाक स्ट्रेन भएको छ । जुन चारैतिर फैलिएको छ । म यो समय कुनै पनि कन्सर्टमा गाउन सक्दिनँ । मैले यसका लागि मेक्सिको कन्सर्टको मिति सारेको छु । अब यो शो अगष्टमा हुनेछ,’ भिडियोको क्याप्सनमा निकले लेखेका छन् ।

मेक्सिकोको कन्सर्टपछि जोनस ब्रदर्सको आगामी शो आयरल्याण्डमा हुनेछ । त्यसपछि सेप्टेम्बरमा यूके, अष्ट्रिया, जर्मनी, स्पेन, इटली र स्विट्जरल्याण्डमा निक आफ्ना भाई केविन र जोका साथ प्रस्तुति दिनेछन् ।

प्रकाशित मिति: आइतबार, वैशाख २३, २०८१ ११:४०

प्रतिक्रिया दिनुहोस्