आजदेखि एमाले तनहुँको दसौँ जिल्ला अधिवेशन सुरु

राजनीति

गृहपृष्ठ
राजनीति

आजदेखि एमाले तनहुँको दसौँ जिल्ला अधिवेशन सुरु

choicekhabar शनिबार, वैशाख २९, २०८१

तनहुँ, वैशाख २९ गते– नेकपा (एमाले) तनहुँको १० औँ जिल्ला अधिवेशन सुरु भएको छ । नेतृत्वका लागि हुने निर्वाचन प्रक्रिया सम्पन्न गर्न सात सदस्यीय निर्वाचन समिति मनोनयन गरिएको छ । एमाले केन्द्रीय निर्वाचन समितिका अध्यक्ष विजय सुब्बाले तनहुँ जिल्लाको निर्वाचन सम्पन्न गर्नका लागि सात जनालाई मनोनयन गर्नुभएको हो ।

प्रमुख निर्वाचन अधिकृतमा पदमलाल लामिछाने निर्वाचन अधिकृतहरूमा विजयकुमार श्रेष्ठ, पुष्प खनाल, सोमकान्त पौडेल, भगवान् त्रिपाठी, विजय खनाल र ज्योतिप्रकाश तिमिल्सिना तोकिएको छ । उहाँहरूलाई निर्वाचन प्रक्रियालाई स्वतन्त्र र निष्पक्ष रूपमा सम्पन्न गर्ने जिम्मेवारी तोकिएको छ । अधिवेशनको एमालेका महासचिव शङ्कर पोखरेलले शुक्रबार उद्घाटन गर्नुभयो ।

सो अवसरमा उहाँले देशभक्त, लोकतन्त्र र सामाजिक न्यायको लागि एमाले अग्रणी भूमिका खेलेको बताउनुभयो । अधिवेशनमा ५८७ जना प्रतिनिधि सहभागी छन् । अधिवेशनमा सहमतिमा नेतृत्व चयन गर्ने प्रयास गरेको छ । एकताको सन्देश दिन तथा पार्टी थप मजबुत बनाउन गरी सहमतिमा नयाँ नेतृत्व चयन गर्ने प्रयास भइरहेको एमाले तनहुँका अध्यक्ष श्रीप्रसाद श्रेष्ठले जानकारी दिनुभयो ।

२०८१ वैशाख ७ र ८ लाई तय भएको अधिवेशनको प्रतिनिधिसभा सदस्यका लागि इलाम २ मा र प्रदेश सभा सदस्यका लागि बझाङ १ क मा वैशाख १५ गते हुने उपचुनावका लागि नेताहरू केन्द्रित हुनुपर्ने भएकाले अधिवेशन सारिएको थियो ।

प्रकाशित मिति: शनिबार, वैशाख २९, २०८१ १२:४३

प्रतिक्रिया दिनुहोस्