वीरगञ्ज । जिल्ला प्रशासन कार्यालय पर्साले कानुन बमोजिम काम नगरेको भन्दै पर्सा जिल्ला सुनचाँदी व्यवसायी संघलाई पत्र काटेको छ । जिल्ला प्रशासन कार्यालय पर्साले यही २० गते जिल्ला जिल्ला सुनचाँदी व्यवसायी संघको नाममा पत्र लेख्दै कानुन बमोजिम तत्कालै अधिवेशन गर्न निर्देशन दिएको छ ।
सहायक प्रमुख जिल्ला अधिकारी सानुबाबु अधिकारीले ६४६९ चलानी नम्बरबाट पत्र लेख्दै एक महिनाभित्र अनिवार्यरुपमा अधिवेशन गर्न निर्देशन दिएका छन् । उनले लेखेको पत्रमा भनिएको छ, ‘गृह मन्त्रालयबाट प्राप्त अनुसार कुनै पनि संस्थाले कानुन बमोजिम काम नगरेमा तत्काल कारबाही गर्न आदेश छ, यही आधारलाई टेकेर सुनचाँदी संघबारे हामी कहाँ अनियमिततासहितको उजुरी परेको छ । त्यसकारण कानुनलाई पालना गराउनको लागि यो पत्र लेखिएको छ, तसर्थ तपाइँहरु एक महिनाभित्र अनिवर्यारुपमा लेखा परीक्षण सम्पन्न गरी अधिबेशन गराउनु होला ।’
जिल्ला संघबारे धेरै उजुरी प्राप्त भएपछि लेखा परीक्षणसहित अधिवेशन सम्पन्न गरेर सिडिओमा रिर्पोटिङ गर्न आदेश दिइएको सहायक प्रमुख जिल्ला अधिकारी सानुबाबु अधिकारीको भनाइ छ ।संघको नाममा पत्र लेखेको झण्डै १० दिन भइसकेको छ । तर अहिलसम्म अधिवेशन गर्न कुनै तयारी नभएको सुनचाँँदी व्यवसायी समितिका एक पदाधिकारीले सुनाए । उनका अनुसार प्रशाासनबाट आएको पत्र अनुसार समयमै अधिबेशन हुने सम्भावना कम रहेको छ ।
के हो विवाद ?
जिल्ला सुनचाँदी व्यवसायी संघ विवादको भूमरीमा फसेको छ । सुनचाँदी व्यवसायी संघको अधिवेशन समयमै नहुँदा विवाद सतहमा आएको हो । जिल्ला संघको वर्तमान कार्यसमितिको कार्यकाल यही फागुनमा सकिएको छ । संघको विधानअनुसार कार्यकाल सकिएपछि तत्ककालै अधिवेशन गर्नुपर्ने हो ।
तर संघका अअध्यक्ष भुलन सर्राफलले कार्यकाल सकिएको २ महिना भन्दा बढी भइसक्दा पनि केन्द्रको महाधिवेशनको नाममा जिल्ला अधिवेशन सार्न खोजिरहेको आरोप छ । यद्यपी, जयप्रकाश सर्राफसहितको नेतृत्वले भने जिल्ला संघको निर्वाचन समयमै गर्न माग गरिरहेका छन् ।संघको तीन वर्षे कार्यकाल यही १ फागुनमा सकिएको हो । सामान्यतह केन्द्रको महाधिवेशनपछि जिल्ला संघको अधिवेशन गर्न चलन रहेको जिल्ला अध्यक्ष सर्राफको धारणा छ । मूलतः यही कारणले अधिवेशनमा ढिलाइ भएको अध्यक्ष सर्राफ बताउँछन् ।
अधिवेशनमा यसकारण ढिलाइ ?
संघको अधिवेशनमा स्वार्थका कारण ढिलाइ भइरहेको एक पक्षको आरोप छ । अध्यक्ष सर्राफबाहेकहरुले चाँडै नेतृत्व चयन गरेर आफ्नो उपस्थिति दर्ज गर्न खोजिरहेको छ भने वर्तमान नेतृत्वले जेनतेन गरी आफ्नै नेतृत्व लम्बयाउन खोजिरहेको देखिन्छ । त्यसका पछाडि आफ्नै कारण रहेको एक पदाधिकारी बताउँछन् ।
खासमा प्रत्येक महिना संघले फिफारिस गरेको आधारमा कोटामार्फत सरकारले सुन उपलब्ध गराउने गरेको छ । कारण– सुन खरिद र वितरण गर्ने कार्य सुनचाँदी व्यवसायी संघमार्फत गर्ने नीति छ । यही नीतिका कारणले संघले सिफारिस गरेको व्यवसायीलाई सरकारी संयन्त्रमार्फत सुन खरिद दिइने गरिएको छ ।
सरकारबाट खरिद गरेको सुन वैधानिक भएकोले त्यसमा कुनै डर त्रास नहुने र फाइदा पनि हुने भएकाले व्यवसायीले संघलाई आर्थिक आकर्षणमा परेर आफ्नो भागमा सुन लिने गरेको स्रोतको दाबी छ । जिल्ला संघले आफ्ना निकटकालाई सिफारिस गरेपछि ऊसले पनि त्यही बमोजिमको आर्थिक सहयोग दिनेको गरेको एक व्यवसायी बताउँछन् ।
यसरी सिफारिस गरेकै आधारमा जिल्ला संघका पदाधिकारीलाई फाइदा हुने भएपछि त्यही फाइदाका लागि सबैले आफ्नो कार्यकाल थपियो भन्ने चाहनाले कसैले नेतृत्व छोड्न नचाहेको एक व्यवसायीको भनाइ छ । मूलतः यहीकारणले समयमा जिल्लाको अधिवेशन नभएर ढिलाइ गर्न खोजिएको व्यवसायीहरुको बताउँछन् ।
यता जिल्ला संघका अध्यक्ष भुलन सर्राफले भने केन्द्रको महाधिवेशनका कारणले समयमा अधिवेशन हुन नसकेको बताउँछन् । केन्द्रको अधिवेशन भएपछि जिल्ला अधिवेशन गर्ने चलन छ, अब त्यो चाँडै हुन्छ, उनले भने,‘ त्यसपछि हामीले पनि जिल्लामा गर्छौ । यहाँको अधिवेशनको बारेमा केन्द्रसंग सल्लाह पनि भइरहेको छ ।जे निर्देशन आउँछ , त्यही बमोजिम अब हुन्छ । सभार : रेसखबर
-1732356162.jpg)
-1732355493.jpg)
-1732343317.jpg)
