तीन प्रदेशमा बिहानैदेखि वर्षा, तीनमा राति ठूलो पानी पर्ने सम्भावना

समाचार

गृहपृष्ठ
समाचार

तीन प्रदेशमा बिहानैदेखि वर्षा, तीनमा राति ठूलो पानी पर्ने सम्भावना

choicekhabar सोमबार, जेठ ७, २०८१

७ जेठ, वीरगञ्ज । हाल मधेश, कोशी, लुम्बिनी, कर्णाली प्रदेशलगायत देशका पहाडी भू–भागमा आंशिकदेखि साधारणतया बदली रही बाँकी भू–भागको मौसम मुख्यतया सफा रहेको छ ।

कोशी ,मधेश र लुम्बिनी प्रदेशका थोरै स्थानमा बिहानैदेखि मेघगर्जन-चट्याङ्ग-हावाहुरीसहित हल्का वर्षा भइरहेको मौसम पूर्वानुमान महाशाखाले जनाएको छ ।

आज दिउँसो देशको पहाडी भू–भागका थोरै स्थान तथा तराई भू–भागका एक–दुई स्थानमा मेघगर्जन÷चट्याङ्ग÷हावाहुरीसहित हल्कादेखि मध्यम वर्षाको सम्भावना छ। देशको उच्च पहाडी तथा हिमाली भू–भागका थोरै स्थानहरूमा हल्का हिमपातको सम्भावना रहेको महाशाखाले जनाएको छ ।

राति कोशी, मधेश, बागमती र गण्डकी प्रदेशको केही स्थान साथै लुम्बिनी प्रदेशलगायत बाँकी पहाडी भू–भागका एक दुइ स्थानमा मेघगर्जन÷चट्याङ्ग र हावाहुरीसहित हल्कादेखि मध्यम वर्षाको सम्भावना छ ।

कोशी, मधेश र बाग्मती प्रदेशको एक–दुई स्थानमा भारी वर्षाको पनि सम्भावना रहेको महाशाखाले जनाएको छ ।

कोशी, गण्डकी र कर्णाली प्रदेशको उच्च पहाडी तथा हिमाली भू–भागका एक–दुई स्थानमा हल्का हिमपातको सम्भावना छ ।

हाल नेपालमा स्थानीय वायु र पश्चिमी वायुको आंशिक प्रभाव रहेको छ ।

प्रकाशित मिति: सोमबार, जेठ ७, २०८१ ०९:३८

प्रतिक्रिया दिनुहोस्