मधेशबाट पानी माग्दै काठमाडौंसम्म पैदल यात्रा

समाज

गृहपृष्ठ
समाज

मधेशबाट पानी माग्दै काठमाडौंसम्म पैदल यात्रा

choicekhabar शुक्रबार, जेठ ११, २०८१

वीरगञ्ज । चुरे संरक्षणको मागसहित मधेश प्रदेशबाट सर्वसाधारणको एउटा समूह काठमाडौं आइपुगेको छ ।

चुरे अत्यधिक दोहनका कारण वनविनाश हुँदा मधेश प्रदेशसहित तराईका जिल्लामा पानीको हाहाकार भएका महिलाहरूसहितको एउटा समूह संघीय सरकारसँग गुहार लगाउँदै आएको हो ।

चुरेक्षेत्र संरक्षणसहित १२ बुँदे माग बोकेर सप्तरीदेखि पैदल यात्रा निस्किएको २३ जनाको टोली २५ औं दिनमा बिहीबार काठमाडौं आइपुगेको हो । उनीहरू गत वैशाख १७ सप्तरीबाट पैदल यात्र सुरु गरेर २५ औँ दिनमा काठमाडौं आइपुगेपछि माइतीघर मण्डलमा धर्ना बसेका छन् ।

गतवर्ष पनि यही मागसहित उनीहरू ११ दिन हिँडेर काठमाडौं आइपुगेका थिए । त्यसबेला भएको सहमति सरकारले पालना नगरेपछि आफूहरू फेरि आन्दोलनसहित झकझकाउन आइपुगेको उनीहरू बताएका छन् ।

काठमाडौंमा बसेर मधेशका मुद्दामा आवाज उठाउने उनले मधेशबाट पैदलयात्रा सुरू भएपछि राष्ट्रपति र गृहमन्त्रीलाई जानकारीसमेत गराएका थिए । ’चुरे तथा वनजंगल संरक्षण अभियान, नेपाल’को नेतृत्वमा महिलासमेत सहभागी भएको लामो दूरीको यो पदैल यात्रा गर्नेमा सप्तरी, सिरहा, धनुषा, बारा र पर्साका चुरे अतिक्रमणबाट प्रभावितहरू छन् । काठमाडौं आइपुग्न उनीहरूले दैनिक ३५÷४० किलोमिटरका दरले पैदलयात्रा गरेको बताए ।

प्रकाशित मिति: शुक्रबार, जेठ ११, २०८१ १५:१४

प्रतिक्रिया दिनुहोस्