निरन्जन अग्रवाल कानुनी सिकाञ्जामा,न्यायिक निकाय प्रति चौतर्फी चासो शुरु

समाचार

गृहपृष्ठ
समाचार

निरन्जन अग्रवाल कानुनी सिकाञ्जामा,न्यायिक निकाय प्रति चौतर्फी चासो शुरु

choicekhabar बिहीबार, साउन १७, २०८१

दोहोरो नागरिकता लिएका निरञ्जनकुमार अग्रवाललाई पर्सा प्रहरीले बुधबार नियन्त्रणमा लिएको छ । वीरगंज महानगरपालिका वडा नम्बर २५ बस्ने नरेश ठाकुर हजामको उजुरीमा अग्रवाललाई प्रहरीले हिरासतमा लिएको हो । दोहोरो नागरिकता लिएका अग्रवाल माथि झुटो विवरण दिई नागरिकता लिएको तथा सवारी चालक अनुमति पत्र किर्ते गरेको अभियोगमा जिल्ला प्रहरी कार्यालय पर्सामा मुद्दा दिन जाँदा दर्ता नगरेपछि जिल्ला सरकारी वकिल कार्यालय पर्साको पत्र अनुसार जिल्ला प्रहरी कार्यालय पर्सामा २०७६÷११÷२६ मा मुद्दा दर्ता भयो ।
निरञ्जन कुमार अग्रवाल वीरगंजका प्रतिष्ठित किराना व्यापारी अजय अग्रवाल (हाल स्वर्गीय) को आदर्श किरानामा काम गर्न राजस्थानबाट बोलाईएका व्यक्ति हुन ।
छोटो समयभित्र भित्र अजय अग्रवालको परिवारमा विग्रह पैदा गरी निरञ्जनले हालीमुहाली गर्न थाले। जसकारण वीरगंजको स्थापित व्यापारी अजय अग्रवालको वीरगंजबाट उठिबास भयो र निरञ्जनकुमार अग्रवाल २०६३ सालमा जन्मको आधारमा झुटो विवरण पेश गरी जिल्ला प्रशासन कार्यालय पर्सामा भेटी चढाएर नेपालको नवनागरिक बने पछि जग्गामा लगानी गरेर छोटो समयमा सय करोडभन्दा बढीको सम्पत्तिको मालिक बन्न पुगे । जग्गाको कारोबारमा सँगै सुर्ती,गुटका चुइँगमको कारोबार गर्दै आएका निरञ्जनको व्यापारिक प्रतिष्ठानमा कैयौँ पटक राजस्व अनुसन्धान र प्रहरीले छापा मार्ने मिल्ने मिलाउने काम हुँदै गयो ।यहि बिच वीरगंज महानगरपालिका वडा नम्बर २५ का स्थायी वासी नरेश ठाकुर हजाम सँग जग्गा सम्बन्धी निरञ्जनको विवाद भयो। पैसा र शक्तिको आडमा चुर भएका निरञ्जनले भुईमान्छे नरेश ठाकुर हजामलाई तह लगाउन अनेक प्रयत्न गरे पनि सफल भएनन् उल्टै प्रमाण जुटाएर अहिले नरेश ठाकुर हजामले निरञ्जन कुमार अग्रवाललाई प्रहरीको हिरासतमा पु¥याई दिएका छन् ।
संचारकर्मी संग कुरा गर्दै २०७६ साल पछि लगातार जिल्ला प्रहरी कार्यालय पर्साको मुद्दाफाँटमा निरन्तर घाइरहेको कुनै सुनवाई भएन एक दिन साथीभाइहरूले अहिलेको जिल्ला प्रहरी कार्यालयका एसपी कुमोद ढुंगेललाई डाइरेक्ट भेटेर आफ्नो कुरा राख्न सल्लाह दिए। त्यही बमोजिम सम्पूर्ण कागजपत्र लिएर एसपी कुमोद ढुंगेललाई भेट्न गए। उहाँले मुद्दा शाखाका प्रहरीलाई बोलाएर तत्काल आदेश दिनुभयो । अदालतबाट पक्राउ पुर्जी जारी गराएर बुधबार निरञ्जनलाई गिरफ्तार गरेपछि आफूलाई सन्तुष्टि मिलेको ठाकुरको कथन थियो ।
निरञ्जन कुमार अग्रवालले २०५१÷४÷५ गते लिएको सवारी चालक अनुमति पत्र भारतीय भएको जन्ममिति २०३२÷४÷३ उल्लेख थियो । नारायणी यातायात व्यवस्था कार्यालयका कर्मचारीहरूलाई पैसा खुवाएर उनको सवारीचालक अनुमति पत्रमा किर्ते गरेर २०३६–११–१७ जन्ममिति सच्याए र कारजिप थप्न लगाई आफूले प्राप्त गरेको नागरिकता नम्बर३४१०२२÷७९ समेत उल्लेख गर्न लगाए तर निरञ्जनको व्यक्तिगत तथ्याङ्क (मेन लाइसेन्स इन्फर्मेसन) ले उनको पोल खोलेको छ ।
निरञ्जन कुमार अग्रवालको नागरिकतामा उल्लेख भएको जन्ममितिलाई सही मान्ने हो भने उनको नाउँमा जारी भएको २०५१÷४÷५ गते कसरी लाइसेन्स जारी हुन्छ ?त्यस वखत उनको उमेर १४ वर्ष ४ महिना १८ दिन मात्र हुन्छ। नेपालको कानुन अनुसार १६ वर्ष नपुगी नागरिकता र सवारीचालक अनुमती दुवै पाइँदैन ।
केही वर्ष आगाडी बिभिन्न व्यक्तीले निरञ्जनकुमार अग्रवाल माथि झुठो बिबरण दिएर नागरीकता लिएको विषयमा जिल्ला प्रशासन कार्यालय पर्सामा निवेदन दिएका थिए त्यस माथि कारवाही गर्नुको साटो प्रमाण फेला नपरेको भन्दै तमेलिमा फाइल तत्कालीन प्रमुख जिल्ला अधिकारीहरुले राख्दै पैसा खाँदै गरेको अहिले आएर निरञ्जन कुमार अग्रवालको नागरीकता, सक्कल र प्रतिलिपि सम्बन्धी फाइल खोज्दा फेला नपरेको जवाफ जिल्ला प्रशासन कार्यालय पर्साले जिल्ला अदालत पर्सालाई पठाएको एक पत्रमा उल्लेख गरिएको छ।

भारतको राजस्थान चुरु जिल्लाको सरदासशहरका मूल निवासी दाबी गरिएको निरन्जनमाथि अपराध सहिता २०७४ को दफा २७६ बमोजिम झूठो विद्युतीय अभिलेख बनाएर किर्ते गरेको समेत आरोपमा कारवाहीको मांग गरीएको पर्साका प्रहरी उपरीक्षक कुमोद ढुंगेलले बताउनु भयो ।
यता पर्सा प्रहरीको हिरासतमा रहेका अग्रवाललाई छोडाउन सरकारी वकिल कार्यालयमा दौडधुप बढेको श्रोतको दावी छ । न्यायिक निकायलाई प्रभावमा पारि जसरी पनि उनलाई छोडाउन बिचौलियाले दौडधुप बढाएपछि अहिले सवैको ध्यान न्यायिक निकाय प्रति बढेको श्रोतको दावी छ ।

प्रकाशित मिति: बिहीबार, साउन १७, २०८१ १५:३३

प्रतिक्रिया दिनुहोस्