नेपाल राष्ट्र बैंकले मौद्रिक कृषि औजार उत्पादन, सूचना प्रविधि, पर्यटनलाई सस्तो कर्जा

अर्थ

गृहपृष्ठ
अर्थ

नेपाल राष्ट्र बैंकले मौद्रिक कृषि औजार उत्पादन, सूचना प्रविधि, पर्यटनलाई सस्तो कर्जा

choicekhabar शनिबार, साउन १९, २०८१

काठमाडौँ — अब कृषिका लागि सहयोगी उद्योग, कृषि औजार उत्पादन, सूचना प्रविधि, पर्यटनलगायत आन्तरिक उत्पादनसँग सम्बन्धित क्षेत्रहरुले पनि सस्तो कर्जा पाउने भएका छन् ।

नेपाल राष्ट्र बैंकले मौद्रिक नीतिमार्फत ल्याएको उक्त व्यवस्था कार्यान्वयनका लागि शुक्रबार निर्देशन जारी गरेको छ । उल्लिखित क्षेत्रमा बैंक तथा वित्तीय संस्थाले आधार दरमा बढीमा २ प्रतिशत विन्दुमात्र प्रिमियम जोडेर कर्जा प्रवाह गर्नुपर्ने छ ।

यसअघि २ करोडसम्मको लघु, घरेलु, साना तथा मझौला उद्यम्, कृषि र स्वदेशी कच्चा पदार्थमा आधारित उद्योगलाई प्रवाह हुने कर्जामा आधार दरमा बढीमा २ प्रतिशत विन्दु प्रिमियम थपेर ब्याजदर कर्जा प्रवाह गर्नुपर्ने व्यवस्था छ । राष्ट्र बैंकले मौद्रिक नीतिमार्फत यो व्यवस्थामा कृषिका लागि सहयोगी उद्योग, कृषि औजार उत्पादन, सूचना प्रविधि, पर्यटनलगायत आन्तरिक उत्पादनलाई पनि थप गरेको हो ।

‘बैंक तथा वित्तीय संस्थाले २ करोडसम्मको खाद्यान्न उत्पादन, पशुपंक्षी, मत्स्यपालन, कृषिका लागि सहयोगी उद्योग, कृषि औजार उत्पादन, निर्यातजन्य उद्योग, हस्तकला तथा सीपमूलक व्यवसाय, सूचना प्रविधि, पर्यटनलगायत आन्तरिक उत्पादनसँग सम्बन्धित उद्यम व्यवसाय र शतप्रतिशत स्वदेशी कच्चा पदार्थमा आधारित उत्पादनमूलक उद्योग सञ्चालनका लागि (आयात सम्बन्धी व्यवसाय बाहेक)कर्जा प्रवाह गर्दा आधार दरमा २ प्रतिशतसम्म मात्र थप गरी ऋणको ब्याज तोक्नु पर्नेछ,’ राष्ट्र बैंकको निर्देशनमा भनिएको छ ।

प्रकाशित मिति: शनिबार, साउन १९, २०८१ ११:३६

प्रतिक्रिया दिनुहोस्