नेपालमा भारतीय च्यानलहरूको प्रसारण फेरी बन्द

मनोरन्जन

गृहपृष्ठ
मनोरन्जन

नेपालमा भारतीय च्यानलहरूको प्रसारण फेरी बन्द

choicekhabar शनिबार, साउन १९, २०८१

वीरगञ्ज । नेपालमा भारतीय टेलिभिजन च्यानलहरूको प्रसारण पुनः बन्द भएको छ। नेपाल केबल टेलिभिजन व्यवसायी महासङ्घका अध्यक्ष ध्रुव शर्माका अनुसार करिब ७० वटा भारतीय तथा विदेशी च्यानल बन्द भएको जानकारी दिनुभयो। शर्माका अनुसार सञ्चार मन्त्रालयले डेढ वर्ष अघि विदेशी च्यानलहरूको प्रसारणमा आलार्काटा प्रणाली लागू गर्ने मन्त्रीस्तरीय निर्णय गरे पनि इन्टरनेट प्रदायक कम्पनीहरूको असहयोगका कारण यो प्रणाली कार्यान्वयनमा समस्या भएको छ।

ध्रुव शर्माले इन्टरनेटको पहुँच बढेसँगै टेलिभिजन हेर्ने जनसङ्ख्यामा बिस्तारै कमी आउन थालेको बताउनुभयो। उहाँले विदेशी च्यानलहरूले मनपरी पैसा उठाउने गरेका कारण टेलिभिजन हेर्ने दर्शकहरूले आर्थिक भार बेहोर्नुपरेको उल्लेख गर्नुभयो।

महासङ्घका अध्यक्ष शर्माका अनुसार, १५ महिनाको पैसा नपाएका कारण विदेशी च्यानलहरूले नेपालमा प्रसारण बन्द गरेका हुन्। यसले गर्दा नेपाली दर्शकहरूले विभिन्न च्यानलहरू हेर्न नपाउने स्थितिमा छन्।

यो घटनाले टेलिभिजन च्यानलहरू र इन्टरनेट प्रदायक कम्पनीहरूबीचको सम्बन्धलाई उजागर गरेको छ, जसले गर्दा भविष्यमा टेलिभिजन प्रसारण र इन्टरनेट सेवा दुवैलाई प्रभाव पार्न सक्छ। दर्शकहरूलाई टेलिभिजनको विकल्पको रुपमा इन्टरनेटमा आधारित सेवा अपनाउने सम्भावनामा वृद्धि हुनसक्छ।

प्रकाशित मिति: शनिबार, साउन १९, २०८१ १३:१४

प्रतिक्रिया दिनुहोस्