हङकङ एक्सप्रेसको उडानमा चोरी गरेको आरोपमा एक जना पक्राउ

समाचार

गृहपृष्ठ
समाचार

हङकङ एक्सप्रेसको उडानमा चोरी गरेको आरोपमा एक जना पक्राउ

choicekhabar सोमबार, भदौ १०, २०८१

हङकङ एक्सप्रेसको उडानमा रहेका एक चिनियाँ नागरिक सहयात्रीको हङकङ डलर ३ लाख ३० हजार बराबरको रोलेक्स घडी तथा नगद चोरेको आरोपमा पक्राउ परेको प्रहरीले जनाएको छ।

हङकङ प्रहरीले सोमबार जानकारी गराएअनुसार रोलेक्स घडी लगायत हङकङ डलर ५ हजार, अमेरिका डलर २ सय, २० युरो र १० लाख भियतनामी डङ लुटिएको रिपोर्ट पाएपछि आइतबार राति चेन उपनामका ५७ वर्षीय व्यक्तिलाई पक्राउ गरिएको हो। चोरी भएका सामानमध्ये बैंक कार्ड समेत रहेको छ।

पीडित यात्रुले विमानस्थलका कर्मचारीलाई सामान हराएको रिपोर्ट गरेपछि प्रहरीलाई खबर गरिएको थियो। त्यतिबेलासम्म विमानका सबै यात्रु र्‍याम्पबाट बस चढिसकेका थिए।

दा नाङबाट हङकङ उडान भरेको यू०५६१ आइतबार बिहान १२स्२५ मा हङकङ अवतरण गरेको थियो। उक्त उडानका एक यात्रुले घटनाका बारेमा आफ्नो फेसबुकमा भिडिओ क्लिप तथा तस्बिर पोस्ट गर्दै लेखेका छन्, ‘सबै यात्रु ओर्लिए र बसमा चढे। चालकले एक्कासी कुनै स्पष्टीकरणविना ढोकामा ताल्चा लगाए र हामीलाई झन्डै एक घण्टा भित्रै राखे।’

‘एयर कन्डिसनर ब्लास्ट भइरहेको थियो। यो धेरै चिसो थियो, हामीले ढोका ढक्ढक्यायौँ तर कसैले जवाफ दिएन,’ उनको थप कथन छ।

उनले भनेका छन्– प्रहरीहरू आइपुगेपछि एक उडान परिचर तल आए र पाँच मुख्यभूमि यात्रुलाई पुनः विमानमा फिर्ता लगियो। किनकि एक महिला यात्रुले आफ्नो सामान हराएको दाबी गरेकी थिइन्। ९एससीएमपी०

प्रकाशित मिति: सोमबार, भदौ १०, २०८१ १३:४३

प्रतिक्रिया दिनुहोस्