वीरगञ्जका २९ वर्षीय मुकेशकुमार पटेल, साइकलमार्फत काठमाडौंको यात्रामा

समाचार

गृहपृष्ठ
समाचार

वीरगञ्जका २९ वर्षीय मुकेशकुमार पटेल, साइकलमार्फत काठमाडौंको यात्रामा

choicekhabar बुधबार, भदौ १९, २०८१

वीरगञ्ज। वीरगञ्जका एक २९ वर्षीय युवक, मुकेशकुमार पटेल, साइकलमार्फत संघीय राजधानी काठमाडौं यात्रामा निस्किएका छन्। पटेलले गहवामाई मन्दिरमा पूजापाठ गरी आफ्नो यात्रा प्रारम्भ गरेका हुन्।

पटेल जगरनाथपुर गाउँपालिका वडा नम्बर ६, प्रसौनीका स्थायी बासिन्दा हुन् र गर्दौलमा रहेको अर्ना बियर उत्पादन गर्ने साउथ एशियन वेबरेज प्रालिमा कार्यरत छन्।

बाल्यकालदेखि नै साइकलसँग विशेष लगाव राख्ने पटेलले आठ कक्षासम्मको शिक्षा हासिल गरेका छन्। उनले आफ्नो जीवनमा अनौठो काम गर्ने लक्ष्यका साथ यो साहसिक यात्रा थालेका हुन्।

पटेलले चार दिनभित्र वीरगञ्जबाट काठमाडौंसम्मको दूरी साइकलबाट तय गर्ने योजना बनाएका छन्। उनी वीरगञ्ज, हेटौंडा, भरतपुर, मुङलिङ, धादिङ, थानकोट हुँदै काठमाडौं पुग्ने र त्यही मार्ग हुँदै पुनः वीरगञ्ज फर्किने योजनामा छन्।

साइकल यात्रा मात्र नभई, पटेलले युट्युबमा ‘पियुष पटेल पेप्सी’ नामक ब्लगिङ च्यानल पनि संचालन गरेका छन्। उनी आफ्नो च्यानलमार्फत नयाँ–नयाँ ठाउँ घुमेर अनुभवहरू साझा गर्ने लक्ष्य राख्छन्। यस यात्रा पश्चात्, पटेलले थप स्थानहरूको भ्रमण गरी ब्लगिङलाई निरन्तरता दिने योजना बनाएका छन्।

यस साहसिक यात्राले पटेलको ब्लगिङ यात्रालाई थप प्रेरणा दिने विश्वास गरिएको छ।

प्रकाशित मिति: बुधबार, भदौ १९, २०८१ १६:१०

प्रतिक्रिया दिनुहोस्