“आर्ट अफ गिभिङ“को भावना सम्मान गर्ने उद्देश्यले आयोजित विशेष रात्रिभोज ८ सेप्टेम्बर २०२४, आइतबार काठमाण्डौको हायात रेजेन्सीमा सम्पन्न भयो। यस कार्यक्रमले प्रख्यात शिक्षा विद् र मानवतावादी प्रोफेसर डा. अच्युत सामन्तको असाधारण योगदानको सम्मान गर्दै गरिबी, भोकमरी र अशिक्षा अन्त्यको लागि उहाँको अटुट प्रतिबद्धता, साथै नेपाल र भारतबीचको सम्बन्धलाई बलियो बनाउन गरेको योगदानलाई उजागर ग¥यो।
उक्त कार्यक्रममा मन्त्रीहरू, मुख्यमन्त्रीहरू, राजनीतिज्ञहरू, राजदूतहरू, सांसदहरू, विश्वविद्यालयका उपकुलपतिहरू, चिकित्सकहरू, सम्मानित शिक्षाविद्, प्रिन्सिपलहरू, आदरणीय आध्यात्मिक गुरुहरू, र व्यापारिक नेताहरूको विशिष्ट उपस्थिति रहेको थियो। यसले शिक्षा र सामाजिक सेवामा प्रोफेसर सामन्तको कार्यको व्यापक प्रभावलाई प्रष्ट पारेको थियो।
कार्यक्रमको शुरुवात संयुक्त राष्ट्रसंघका पूर्व संयोजक तथा ग्ल्म्ए÷ध्ँएका प्रतिनिधि विश्व पराजुलीले स्वागत भाषणबाट गरे। उनले प्रोफेसर डा. सामन्तको जीवन रुपान्तरण गर्ने प्रयासहरूको प्रशंसा गरे। विशेष रूपमा, प्रोफेसर सामन्तले स्थापना गरेको कलिङ्गा इन्स्टिच्युट अफ इन्डस्ट्रियल टेक्नोलोजी (प्क्ष्क्ष्त्), कलिङ्गा इन्स्टिच्युट अफ सोसियल साइन्सेस (प्क्ष्क्क्) र कलिङ्गा इन्स्टिच्युट अफ मेडिकल साइन्सेस (प्क्ष्ःक्) जस्ता संस्थाहरूले सामाजिक रूपमा उपेक्षित वर्गहरूलाई गुणस्तरीय शिक्षा र सहयोग प्रदान गरेको कुरामा जोड दिए।
गुरुजि जिग्मे रिन्पोछेले प्रोफेसर सामन्तको गहिरो करुणा र निःस्वार्थ समर्पणको प्रशंसा गर्दै उहाँको “आर्ट अफ गिभिङ“ दर्शनले मानवताको आपसी सम्बन्धलाई झल्काएको बताए। गुरुजिले प्रोफेसर सामन्तले उपेक्षित र आदिवासी समुदायहरूको सशक्तिकरणमा पु¥याएको महत्वपूर्ण योगदानलाई स्वीकार गरे र सामाजिक सद्भाव र शान्तिको प्रवर्द्धनमा उहाँको भूमिकाको उच्च प्रशंसा गरे।
स्वामी आनन्द अरुणजीले पनि प्रोफेसर सामन्तको नेतृत्वको प्रशंसा गर्दै आदिवासी उन्नति, शिक्षा, विज्ञान र खेलकुदमा उहाँले पु¥याएको योगदानको चर्चा गरे।
प्रोफेसर डा. अच्युत सामन्तले मुख्य मन्तव्य प्रस्तुत गर्दै आफ्नो व्यक्तिगत यात्रा र “आर्ट अफ गिभिङ“ दर्शनको प्रेरणाबारे बताए। उनले २०२२ मा प्रतिष्ठित युनेस्को अन्तर्राष्ट्रिय साक्षरता पुरस्कार प्राप्त गरेको प्क्ष्क्क् संस्थाको सफलता र उहाँका पहलहरूले लाखौं मानिसहरूको जीवनमा पु¥याएको सकारात्मक प्रभावबारे चर्चा गरे। प्रोफेसर सामन्तलाई विश्वभर २५० भन्दा बढी पुरस्कार र ५६ मानार्थ डाक्टरेट उपाधिहरू प्रदान गरिएका छन्।
कार्यक्रमको प्रमुख आकर्षण भनेको ध्च्ऋ नेपालका संस्थापक सुदिप नायक र ध्च्ऋ टोलीद्वारा प्रोफेसर डा. अच्युत सामन्तलाई सामाजिक उन्नतिका लागि आजीवन योगदानको सम्मान गर्दै स्मृति चिन्ह प्रदान गरिएको थियो।
कार्यक्रमको अन्त्यमा सञ्चारकर्मी सदीक्षा श्रेष्ठले समापन मन्तव्य राख्दै कार्यक्रममा सहभागीहरूलाई आभार व्यक्त गरिन् र कार्यक्रमका मुख्य क्षणहरूलाई संक्षेपमा प्रस्तुत गरिन्। यस विशेष रात्रिभोजले प्रोफेसर डा. अच्युत सामन्तको जीवनलाई शिक्षा, दृष्टि र करुणाको परिवर्तनकारी शक्ति प्रस्तुत गरेको छ, जसले विश्वभरका व्यक्तिहरूलाई थप समावेशी संसार निर्माण गर्न प्रेरित गरेको छ ।
