गोविन्द देवकोटा सामुदायिक रेडियो प्रसारक संघ (अकोराब) को बरिष्ठ उपाध्यक्षमा निर्विरोध निर्वाचित

समाचार

गृहपृष्ठ
समाचार

गोविन्द देवकोटा सामुदायिक रेडियो प्रसारक संघ (अकोराब) को बरिष्ठ उपाध्यक्षमा निर्विरोध निर्वाचित

choicekhabar आइतबार, भदौ ३०, २०८१

३० भदौ, वीरगञ्ज । नारायणी एफ.एमका कार्यकारी अध्यक्ष, रेसखबर डटकमका अध्यक्ष तथा सम्पादक गोविन्द देवकोटा सामुदायिक रेडियो प्रसारक संघ (अकोराब) को बरिष्ठ उपाध्यक्षमा निर्वाचित हुनु भएको छ ।

शनिबार काठमाडौंमा सम्पन्न १८ औं साधारणसभा तथा ८ औं अधिवेशनबाट देवकोटा सामुदायिक रेडियोहरुको छाता संगठन अकोराबको बरिष्ठ उपाध्यक्षमा निर्विरोध निर्वाचित हुनुभएको हो ।

यसअघि दुई कार्यकाल अकोराबको महासचिवमा निर्वाचित भई काम गरिसक्नु भएका देवकोटा यसपटक बरिष्ठ उपाध्यक्षमा निर्विरोध निर्वाचित हुनुभएको हो ।

सामुदायिक रेडियोहरुको व्यावसायिक विकास, प्रवद्र्धन र समुदायसँग रेडियोहरुलाई जोड्ने विषयमा महत्वपूर्ण भूमिका खेल्दै आएका देवकोटा तीन दशक भन्दा लामो समयदेखि पत्रकारिता क्षेत्रमा क्रियाशील रहनु भएको छ ।

वीरगञ्जलाई कार्यक्षेत्र बनाएर पत्रकारिता गर्दै आउनु भएका देवकोटा हेटौडाको मनकामना एफ.एम. स्थापनादेखि रेडियो एफ.एमक्षेत्रमा प्रवेश गर्नुभएको हो ।

उहाँकै सक्रियतामा मध्य तराईको पहिलो एफ.एम रेडियो वीरगन्ज स्थापना भएको थियो । त्यसपछि उहाँले नै मध्य तराईको पहिलो सामुदायिक रेडियो नारायणी एफ.एम.१०३.८ मेगाहर्ज सञ्चालनमा ल्याउनु भएको थियो ।

अहिले उनी नारायणी एफ.एम.को कार्यकारी अध्यक्ष समेत रहेका छन् । उनी रेस मल्टिमिडिया प्रालिद्वारा सञ्चालित रेसखबर डटकमका अध्यक्ष तथा सम्पादक पनि हुनुहुन्छ ।

प्रकाशित मिति: आइतबार, भदौ ३०, २०८१ ०६:५३

प्रतिक्रिया दिनुहोस्