रवि लामिछाने थप १० दिन थुनामा बस्ने, लामिछानेको समर्थनमा पोखरामा प्रदर्शन , कार्यकर्ता प्रहरी नियन्त्रणमा

राजनीति

गृहपृष्ठ
राजनीति

रवि लामिछाने थप १० दिन थुनामा बस्ने, लामिछानेको समर्थनमा पोखरामा प्रदर्शन , कार्यकर्ता प्रहरी नियन्त्रणमा

choicekhabar मंगलबार, कात्तिक २०, २०८१

राष्ट्रिय स्वतन्त्र पार्टी रास्वपा का सभापति रवि लामिछानेलाई थप १० दिन थुनामा राख्न कास्की जिल्ला अदालतले अनुमति दिएको छ ।

प्रहरीले २५ दिन म्याद थपको आदेश मागे पनि न्यायाधीश चन्द्रकान्त पौडेलले १० दिन थुनामा राख्न अनुमति दिनुभएको हो ।

सहकारी ठगी र सङ्गठित अपराधको कसूरमा अनुसन्धानका लागि हिरासतमा रहेका सभापति रवि लामिछानेलाई प्रहरीले आज दोस्रो पटक म्याद थपका लागि अदालतमा उपस्थित गराएको थियो ।कास्कीको सूर्यदर्शन सहकारीको रकम हिनामिनाको आरोपमा प्रहरीले यही कात्तिकको २ गते रवि लामिछानेलाई काठमाण्डौबाट पक्राउ गरेर पोखरा पु¥याएको हो ।

लामिछानेलाई सुप्रिम सहकारीको रकम हिनामिनाको पनि आरोप लागेकाले पोखराबाट अब बुटवल लैजाने तयारी रहेको छ । प्रहरी हिरासतमा रहेका सभापति लामिछानेको समर्थनमा आजै पोखरामा प्रदर्शन भएको छ । प्रदर्शनका क्रममा प्रहरीले सात जनालाई पक्राउ गरेको छ ।

यता

सहकारी प्रकरणमा पक्राउ परेका रास्वपा सभापति रवि लामिछानेको समर्थनमा पोखरामा प्रदर्शन भएको छ। लामिछानेलाई म्याद थपका लागि जिल्ला अदालत कास्कीमा उपस्थित गराउदा लामिछानेका समर्थकहरुले पोखरामा प्रदर्शन गरेका हुन्।

प्रदर्शनका क्रममा प्रदर्शनकारीले निषेधित क्षेत्र तोड्न खोज्दा प्रहरीले हस्तक्षेप गरेको थियो। सो क्रममा प्रहरीले केही राउण्ड अश्रुग्यास प्रहार गरेको छ भने केही प्रदर्शनकारीहरूलाई नियन्त्रणमा लिएको छ।
लामिछानेलाई राजनीतिक प्रतिशोधका आधारमा पक्राउ गरको रास्वाको आरोप छ। लामिछाने पक्राउको विरोधमा ऐक्यबद्ध हुन आह्वान गर्दै रास्वपाले निरन्तर प्रदर्शन गर्दै आएको छ।

कास्की प्रहरीले लामिछानेमाथि सहकारी ठगी, संगठित अपराध र सम्पत्ति शुद्धीकरणलगायतमा अनुसन्धान गर्ने भन्दै म्याद थपेर अनुसन्धान गरिरहेको छ।

प्रकाशित मिति: मंगलबार, कात्तिक २०, २०८१ १६:४३

प्रतिक्रिया दिनुहोस्