खाद्य प्रबिधि तथा गुण नियन्त्रण कार्यालयद्वारा बिरगंजका होटलहरुको वर्गीकरण तथा लोगो नबिकरण कार्य शुरु

समाचार

गृहपृष्ठ
समाचार

खाद्य प्रबिधि तथा गुण नियन्त्रण कार्यालयद्वारा बिरगंजका होटलहरुको वर्गीकरण तथा लोगो नबिकरण कार्य शुरु

choicekhabar बुधबार, मंसिर ५, २०८१

बिरगंजका होटलहरुको वर्गीकरण तथा लोगो नबिकरण कार्य शुरु भएको छ । खाद्य प्रबिधि तथा गुण नियन्त्रण कार्यालय जनकपुरले वीरगञ्जका विभिन्न होटलहरुको भान्साको सरसफाइ , खाद्यजन्य पदार्थहरुको भण्डारण गर्ने विधि र कोल्डचेन प्रबिधि लगायतको अनुगमन गरि खाद्य स्वच्छता स्तरको आधारमा विभिन्न होटलहरुको स्तर निर्धारण गरि वर्गीकरण शुरु गरेको हो ।

खाद्य प्रबिधी तथा गुण नियन्त्रण कार्यालय जनकपुरको संयोजन एवम खाद्य प्रबिधि तथा गुण नियन्त्रण बिभाग वीरगञ्जका खाद्य अनुसन्धान अधिकृत सुरेश कुमार सिंहको नेतृत्वको अनुगमन टोलिले वीरगञ्जका दस वटा होटलहरुको अनुगमन गरेको थियो ।

अनुगमन गरिएका सबै होटलहरुको भान्सा , भण्डारण गरिएको खाद्यजन्य बस्तुहरुको चेकजाँच गर्नुको साथै टेस्टो मिटरद्वारा भन्सामा प्रयोग गरिएका तेलको कोलारिटी समेत जाँच गरिएको खाद्य अनुसन्धान अधिकृत सुरेस कुमार सिंहले बताउनु भयो ।

अनुगमन गरिएका होटलहरु मध्ये होटल दियालो र भिस्वा होटल सरोबर प्रोटिक होटल , गरि तीन वटा होटलहरुलाइ खाद्य स्वच्छताको आधारमा अति उत्तम (घ स्टार) प्रमाणीकरण गरि लोगो बितरण एबम नवीकरण गरिएको अनुगमन टोलि संयोजन सदस्य एवम् होटल तथा पर्यटन ब्यबसायी संघ पर्साका अध्यक्ष हरि पन्तले बताए ।

सो क्रममा पन्तले लोगो बितरणमा कुनै पनि होटलहरु लाइ पक्षपात हुन नहुने र त्यसो नगरिने प्रतिबद्धता समेत जनाए । उनले वीरगञ्जका सबै होटलहरुलाई खाद्य स्वच्छता अभियानमा सरिक भएर उपभोक्तालाई स्वच्छ र हाइजेनिक फूड र परिकारहरु पस्कन अनुरोध समेत गरे ।

टोलिले खाद्य स्वच्छताको आधारमा होटल पुजन ,होटल मकालु र अनमोल स्वीटलाइ उत्तममा वर्गीकरण गरेर द्द स्टारको लोगो बितरण गरिएको थियो । त्यसै गरि कन्ट्री इन होटल प्रा लि र कैलाश होटल र मेजवान होटललाई ज्ञ स्टारको लोगो दिइएको थियो भने डिलाइट गो रेस्टुरेन्टलाई सामन्यको सन्केत दिएर केहि सुधारको निर्देशन समेत दिइएको थियो ।

यसै क्रममा अनुगमन टोलिले होटलका संचालकहरु लाई खाद्य स्वच्छता प्रतिबद्धता पत्रमा सहि गराएर हस्तान्तरण गरेको थियो । अनुगमन टोलिमा बाणिज्य कार्यालय वीरगञ्जका सुनिल चौरसिया, वीरगञ्ज उद्योग बाणिज्य संघका मनोज कुमार दास वीरगञ्ज महानगरका प्रतिनिधि बिभा मिश्र जिल्ला प्रशासन कार्यालय पर्सा र जिल्ला प्रहरी कार्यालयका प्रतिनिधिहरुको उपस्थिती रहेको थियो ।

प्रकाशित मिति: बुधबार, मंसिर ५, २०८१ १७:१४

प्रतिक्रिया दिनुहोस्