सामाजिक सुरक्षा कोषले अब १० लाखसम्म उपचार खर्च व्यहोर्ने प्रधानमन्त्रीको घोषणा

राजनीति

गृहपृष्ठ
राजनीति

सामाजिक सुरक्षा कोषले अब १० लाखसम्म उपचार खर्च व्यहोर्ने प्रधानमन्त्रीको घोषणा

choicekhabar बुधबार, मंसिर १२, २०८१

काठमाण्डौ – सामाजिक सुरक्षा कोषले उपचार सुविधा विस्तार गरेको छ । सातौँ सामाजिक सुरक्षा दिवसको अवसरमा कोषले उपचार सेवा विस्तार भएको जानकारी दिएको हो ।

कोषका अनुसार अब योगदानकर्ताले १० लाख रुपैयाँसम्मको उपचारमा ५० प्रतिशत उपचार खर्च पाउनेछन् । अहिले योगदानकर्ताले एक लाख रुपैयाँसम्मको उपचारमा कोषबाट ८० प्रतिशत पाउँदै आएका छन् ।

देशभरी कोषमा आबद्ध अस्पतालको सङ्ख्या ९० वटा पुगेको छ । अहिले औपचारिक योगदानकर्ताका श्रीमान र श्रीमतीमा रहेको स्वास्थ्य उपचार सेवा अब योगदानकर्ताका १८ वर्षसम्मका छोराछोरीमा समेत विस्तार भएको छ ।

कोषमा सूचीकृत वैदेशिक रोजगारीमा रहेका श्रमिकका दम्पती तथा १८ वर्ष मुनिका छोराछोरीलेसमेत स्वास्थ्य उपचार सेवा पाउने कोषले जनाएको छ ।

नयाँ व्यवस्था अबको तीन महिनापछि कार्यान्वयनमा ल्याउने कोषको तयारी छ । कोष कार्यान्वयनमा आएको ६ वर्ष पूरा हुँदा १७ लाख ९४ हजार श्रमिक आबद्ध भएका छन् । कोषका अनुसार अहिलेसम्म औपचारिक क्षेत्रका ५ लाख ४३ हजार र वैदेशिक रोजगारमा रहेका १२ लाख ५० हजार श्रमिक कोषमा आबद्ध भएका छन् ।

वैदेशिक रोजगारीको लागि श्रम स्वीकृति लिने बेला कोषमा आबद्ध हुनुपर्ने बाध्यकारी व्यवस्था रहेको छ । यसकै कारण कोषमा आन्तरिक श्रम बजारमा काम गर्नेभन्दा वैदेशिक रोजगारीमा जाने श्रमिकको आबद्धता बढेको हो ।

कोषको दायरा विस्तारका लागि काठमाण्डौसहित विराटनगर, सिमरा, बुटवल, नेपालगञ्ज, पोखरा र जनकपुरमा कार्यालय स्थापना भएको छ । यही आर्थिक वर्षभित्र कर्णाली प्रदशको सुर्खेत र सुदूरपश्चिम प्रदेशको धनगढीमा समेत कार्यालय स्थापना हुने कोषले जनाएको छ

प्रकाशित मिति: बुधबार, मंसिर १२, २०८१ १०:५३

प्रतिक्रिया दिनुहोस्