१६ दिने अभियान अन्र्तगत बारामा लैंगिक हिंसा विरुद्ध सचेतनामूलक र्‍याली तथा सडक नाटक प्रर्दशन

समाचार

गृहपृष्ठ
समाचार

१६ दिने अभियान अन्र्तगत बारामा लैंगिक हिंसा विरुद्ध सचेतनामूलक र्‍याली तथा सडक नाटक प्रर्दशन

choicekhabar बुधबार, मंसिर १२, २०८१

बारामा लैंगिक हिंसा विरुद्ध सचेतनामूलक र्‍याली तथा सडक नाटक प्रर्दशन गरिएको छ । १६ दिने अभियान अन्र्तगत बाराको २ जिल्ला महागढीमाई नगरपालिका र सुवर्ण गाउँपालिकामा जन जागरण युवा क्लब(जेजेवाइसी) बाराले इस्लामिक रिलिफ वल्र्डवाइडको सहयोगमा ¥यली तथा सडक नाटक प्रर्दशन गरेको हो ।

‘हामी सबैको प्रतिबद्धताः लैंगिक हिंसा अन्त्यका लागि एक्यवद्धता’ भन्ने राष्ट्रिय नाराका साथ र्‍यलीमा छात्राहरुको सहभागिता रहेको थियो । गाउँपालिकाबाट सुरु भएको ¥यली गाउँ परिक्रमा पश्चात् पुनः पालिका कार्यालयको प्रांगणमा पुगेर कोणसभामा परिणत भएको थियो ।

कोणसभालाई सम्बोधन गर्दै गाउँपालिका अध्यक्ष राजेश प्रसाद यादवले हिंसा अन्त्य गर्ने नै अस्त्र शिक्षा भएको तथा यसको सहि सदुपयोग गर्न हरेक छोरीले हिम्मत राख्नुपर्ने बताए । उनले हिंसाको प्रतिकार गर्न तथा आवश्यक परे न्यायीक समितिलाई सम्झन सुभाव दिए ।

गाउँपालिका उपाध्यक्ष पुनम कुमारी यादवको अध्यक्षता रहेको कार्यक्रममा वडा नं. ३ का वडाध्यक्ष राम क्षेत्री यादव, शिक्षा शाखा प्रमुख कृष्णा कुमारी चौरसीया, सेवा युवा क्लबका अध्यक्ष आमीर खान पठान, शिक्षकशिक्षिक, विद्यार्थीहरुको सहभागिता रहेको थियो ।

यसैबिच महागढीमाई नगरपालिका वडा नं. ८ वेतवना स्थित आधारभूत विद्यालयका बालबालिकाहरुको सहभागितामा सचेतनामूलक र्‍यली सम्पन्न भएको छ । बालबालिकाहरुलाई गलत छुवाई र सहि छुवाई कस्तो हुन्छ ? हिंसा सहने की भन्ने ? गोपनियताका साथ हिंसा बारे जानकारी गराउन सकिने ठाउँ र माध्यम के हो ? जस्ता विषयमा कोणसभामा बुझाउने प्रयास गरिएको सामुदायिक परिचालक सुरेश यादवले जानकारी गराए ।
१६ दिने अभियान अन्र्तगत हिंसा पिडित वा जोखिमका व्यक्तिलाई आवश्यकतामा आधारित सहयोग वितरण, समूह सचेतीकरण, रेडियो कार्यक्रम तथा प्रचार बजाउने लगायतका कार्यक्रमको योजना रहेको संस्थाले जनाएको छ ।

प्रकाशित मिति: बुधबार, मंसिर १२, २०८१ १६:०६

प्रतिक्रिया दिनुहोस्