नौ दिनदेखि ठाकुरराम क्याम्पसका प्रशासनिक कामहरु ठप्पः आन्दोलनप्रति एकीकृत प्रगतिशिल प्राध्यापक संगठनको ऐक्यवद्धता

समाचार

गृहपृष्ठ
समाचार

नौ दिनदेखि ठाकुरराम क्याम्पसका प्रशासनिक कामहरु ठप्पः आन्दोलनप्रति एकीकृत प्रगतिशिल प्राध्यापक संगठनको ऐक्यवद्धता

choicekhabar बिहीबार, मंसिर २०, २०८१

कर्मचारी सरुवाको विरोधमा कर्मचारीहरुले लगाएको तालाबन्दीका कारण नौ दिनदेखि ठाकुरराम बहुमुखी क्याम्पसका प्रशासनिक कामहरु ठप्प भएको छ । क्याम्पसमा कार्यरत सहायक स्तरका कर्मचारी त्रिवि ऐन, नियम विपरित ११ महिनामै घर पायकबाट सरुवा गर्नु वा गराउने कार्य अत्यन्तै दुखद भएको जनाएको छ । त्यसकै विरोधमा क्याम्पसमा आन्दोलनरत त्रि.वि. कर्मचारी संघको तालाबन्दीने गरी कामकाज ठप्प गरेका छन् ।

साथै आन्दोलनप्रति एकीकृत प्रगतिशिल प्राध्यापक संगठन ठाकुरराम बहुमुखी क्याम्पस ईकाईले ऐक्यबद्धता जनाएको छ । संगठनका अध्यक्ष अजय कुमार झा र सचिव इन्द्र भट्टराईले आज संयुक्त विज्ञप्ति जारी गर्दै क्याम्पस प्रशासनले सरुवा गरेका बुधन मुखियाको सरुवा फिर्ता गर्नुपर्ने माग सहित जारी त्रिवि कर्मचारी संघ ठाकुरराम ईकाईको आन्दोलनप्रति ऐक्यबद्धता जनाएका हुन् ।
क्याम्पसमा आन्दोलनरत त्रि.वि. कर्मचारी संघको तालाबन्दीले कामकाज ठप्प रहेको र क्याम्पसमा बर्षेनी शिक्षक तथा कर्मचारीहरुको अनिवार्य सेवा निवृत्ति हुने प्रक्रियाले शाखाहरुमा कर्मचारी अभावले १ जना कर्मचारीबाट शाखाहरु सञ्चालन गर्नुपर्ने बाध्यतामक अवस्था रहेको संगठनले जनाएको छ । कतिपय सिफ्टमा कार्यालय सहयोगीमार्फत पुस्तकालय, विद्यार्थी कल्याण शाखाहरु सञ्चालन गरिरहनु परेको विद्यमान अवस्था रहेको संगठनले जनाए ।

क्याम्पसमा भईरहेको बेथिति, बिकृती, विसंगती तथा अप्राज्ञिक कार्यले क्याम्पसको शैक्षिक वातावरण दिनानुदिन खस्किदै गईरहेको र सुधारको किन्चित सोच क्याम्पस नेतृत्वमा आभास पनि नपाईएको संगठनको आरोप छ । क्याम्पसको शैक्षिक तथा प्राज्ञिक बाताबरणलाई सहज बनाउन विभिन्न समयमा यहाँका बेथितीहरु पनि सार्वजनिक हुँदै आईरहेकोले त्रिवि तथा सम्बन्धित निकायसँग वर्तमान समस्या तथा त्यहाँको अन्य समस्याहरुको समाधानको लागि हार्दिक अपिल गर्दै कर्मचारीहरुले गरेको न्यायपूर्ण आन्दोलनप्रति ऐक्यवद्धता व्यक्त पनि जनाएको छ ।

प्रकाशित मिति: बिहीबार, मंसिर २०, २०८१ १५:५९

प्रतिक्रिया दिनुहोस्