छविलाल जोशी अस्पताल भर्ना

समाचार

गृहपृष्ठ
समाचार

छविलाल जोशी अस्पताल भर्ना

choicekhabar शुक्रबार, मंसिर २८, २०८१

काठमाडौं । सहकारी प्रकरणमा हिरासतमा रहेका पूर्वडिआइजी छविलाल जोशी अस्पताल भर्ना भएका छन् । छातीमा गाह्रो भएको सिकायतपछि उनलाई गण्डकी स्वास्थ्य विज्ञान प्रतिष्ठानमा भर्ना गरिएको हो ।

जिल्ला प्रहरी कार्यालय कास्कीका प्रवक्ता डिएसपी वसन्त शर्माले चिकित्सकको सुझाव अनुसार अस्पताल भर्ना गरिएको जानकारी दिए ।

उनले भने, ‘उहाँले छातीमा असहज महसुस भएको बताउनुभएपछि चेक जाँचका लागि अस्पताल लगेका थियौँ । डाक्टरको सिफारिस अनुसार भर्ना गरेर अहिले सबै परीक्षणहरू भइरहेको छ ।’

एउटै मुद्दामा उही हिरासतमा रहेका राष्ट्रिय स्वतन्त्र पार्टीका सभापति रवि लामिछानेले भने अस्पताल भर्ना हुन इन्कार गरेका छन् । केही दिनदेखि निरन्तर रक्तचाप बढेपछि उनको स्वास्थ्य परीक्षण गरिएको थियो ।

प्रवक्ता शर्माका अनुसार अस्ति अस्पताल लगेर स्वास्थ्य जाँच गरिएको थियो भने हिजो चिकित्सकले अस्पतालमै आएर चेक गरेका थिए । ‘चिकित्सकले अस्पताल भर्ना हुन सुझाव दिनुभएको थियो, तर उहाँले मान्नु भएन,’ शर्माले भने ।

लामिछानेलाई भेटेका रास्वपा सहकोषाध्यक्ष दीपक बोहराले सभापति लामिछानेको स्वास्थ्य अवस्थाबारे चौतर्फीरुपमा चासो र चिन्ता व्यक्त भएपछि प्रहरीले स्वास्थ्य परीक्षण गराएको बताए ।

उनले भने, ‘दबाब परेपछि प्रहरीले स्वास्थ्य परीक्षण गरायो । उहाँको प्रेसर अहिले पनि हाइ छ । तर, अस्पताल बस्दिनँ भन्नुभयो । धपेडी र मानसिक तनावले प्रेसर बढेको भएपछि हिरासतमै बस्छु भन्नुभएको छ ।’

रविले विगतमा हिरासत छल्न भीआइपीहरु अस्पताल बस्ने प्रवृत्तिको विरोध गर्ने गरेका थिए । उनी गृह मन्त्री हुँदा हिरासत छल्ने प्रवृत्ति अन्त्यका लागि तीन बुँदे निर्देशनसमेत जारी गरेका थिए ।

प्रकाशित मिति: शुक्रबार, मंसिर २८, २०८१ १३:५७

प्रतिक्रिया दिनुहोस्