डुबानको समस्या आउने हुँदा नदी अतिक्रमण गरेर संरचना नबनाउन वीरगञ्ज महानगरको आग्रह

समाचार

गृहपृष्ठ
समाचार

डुबानको समस्या आउने हुँदा नदी अतिक्रमण गरेर संरचना नबनाउन वीरगञ्ज महानगरको आग्रह

choicekhabar शुक्रबार, पुस २६, २०८१

वीरगञ्ज महानगर भएर बहने सिरिसिया, तिलावे र सिंगहा नदी अतिक्रमण गरी बनाइएका संरचना तत्काल हटाउन महानगरपालिकाले सूचना जारी गरेको छ । नदीको केन्द्रभागबाट ३० मिटर भित्र कुनै पनि संरचना निर्माण नगर्न पनि सूचनामा चेतावनी दिएको छ ।

नदीको केन्द्र भागबाट ३० मिटर दायाँ बायाँ छाडेर मात्रै संरचना बनाउन र ३० मिटर भित्र रहेका संरचना १५ दिनभित्र खाली गर्न सूचनामा उल्लेख छ ।महानगरपालिकाका प्रमुख प्रशासकीय अधिकृत अरविन्द लाल कर्णले शुक्रबार जारी गरेको सूचनामा महानगरपालिकाको बस्ती विकास शहरी योजना तथा भवन निर्माण मापदण्ड तथा भवन निर्माण इजाजत सम्बन्धी कार्यविधी २०७५ को दोस्रो संशोधन २०७८ अनुसार मात्रै संरचना बनाउन पनि सबैमा अनुरोध गरिएको छ ।

सूचनामा ‘ सिरिसिया, तिलावे र सिंगहा नदीको केन्द्र भागबाट ३० मिटर दायाँ बायाँ भित्र निर्माण कार्य नगर्न नगराउन साथै सो भित्र निर्माण भएका संरचना १५ दिनभित्र खाली गरिदिनुहुन सम्बन्धित सबैको जानकारीको लागि यो सूचना प्रकाशन गरिएको छ ।’ वर्षायाममा डुबानको समस्या आउने हुँदा नदी अतिक्रमण गरेर संरचना नबनाउन महानगरले आग्रह गरेको हो ।

प्रकाशित मिति: शुक्रबार, पुस २६, २०८१ १६:४५

प्रतिक्रिया दिनुहोस्