मलेसिया विरुद्ध नेपालको सानदार जित

खेलकुद

गृहपृष्ठ
खेलकुद

मलेसिया विरुद्ध नेपालको सानदार जित

choicekhabar शुक्रबार, माघ ११, २०८१

काठमाडौँ– कप्तान पूजा महतोको अलराउन्ड प्रदर्शनसँगै नेपालले आईसीसी महिला यू–१९ टी–२० विश्वकपको आज भएको प्ले अफमा घरेलु टोली मलेशियालाई ७ विकेटले पराजित गरेको छ।

आजको खेलसँगै नेपालले जितका साथ प्रतियोगिताको अन्त्य गरेको छ भने घरेलु मलेशियाले एउटै खेल पनि जित्न सकेन। शुक्रवार जोहर क्रिकेट एकेडेमी ओभलमा मलेशियाले जितका लागि दिएको ४५ रनको लक्ष्य नेपालले ११ ओभरमा ३ विकेटमात्र गुमाएर पार गर्‍यो।

नेपालका लागि कप्तान पूजाले अविजित २३ रन बनाए पनि अन्य ब्याटरले दोहोरो अंकमा रन बनाउन सकेनन्। मलेशियाका लागि मर्स्याले ३ विकेट लिइन्।

त्यसअघि नेपालले टस जितेर पहिले फिल्डिङ गर्ने निर्णय गरेपछि ब्याटिङमा उत्रिएको मलेशियाले १६ ओभर ५ बलमा अल आउट हुँदै ४५ रनको योगफल तयार परेको थियो।

नुरीमनले १५ रन बनाउनुबाहेक अन्य ब्याटरले दोहोरो अंकमा रन जोड्न सकेनन्।

नेपालका लागि कप्तान पूजाले ३ ओभर ५ बलमा मात्र ९ रन खर्चिदै सर्वाधिक ४ विकेट लिइन्। यससँगै उनी सर्वाधिक रन बनाउनेको सूचीमा शीर्षमा उक्लिएकी छन्। जारी विश्वकपमा पूजाले ९ विकेट लिएकी छन्।

यसैगरी रचना चौधरीले ३ विकेट तथा रिया शर्मा र सिमाना केसीले १र१ विकेट लिए।

नेपाल समूह ‘डी’ को चौथो स्थानमा तथा मलेशिया समूह ‘ए’ को चौथो स्थानमा रहेका थिए।

समूह चरणमा नेपालले बंगलादेश, स्कटल्याण्ड र अष्ट्रेलियासँग पराजित भएको थियो भने मलेशिया पनि भारत, श्रीलंका र वेष्ट इण्डिजसँग पराजित भएको थियो।

प्रकाशित मिति: शुक्रबार, माघ ११, २०८१ १६:३१

प्रतिक्रिया दिनुहोस्