श्रीमानको मिर्गौला १० लाखमा बेचेर श्रीमती भागिन आफ्नो प्रेमीसँग

समाचार

गृहपृष्ठ
समाचार

श्रीमानको मिर्गौला १० लाखमा बेचेर श्रीमती भागिन आफ्नो प्रेमीसँग

choicekhabar सोमबार, माघ २१, २०८१

भारतको पश्चिम बङ्गालस्थित हावडा जिल्लाकी एक महिलाले आफ्नो श्रीमानलाई १० लाख भारुमा मिर्गौला बेच्न लगाएको आरोप लागेको छ । घर खर्च र छोरीको पढाइका लागि पैसा जुटाउन उनले श्रीमानको मिर्गौला बेच्न लगाएको आरोप लागेको हो ।

तर, मिर्गौला बेचिसकेपछि भने उनी पैसा लिएर प्रेमीसँग भागेको भारतीय सञ्चार माध्यमहरूले जनाएका छन् ।

श्रीमान् हावडाको संकरेल शहरका बासिन्दा हुन् । उनले प्रहरीमा उजुरी दिएका छन् । उजुरीका आधारमा प्रहरीले अनुसन्धान शुरू गरेको प्रेस ट्रस अफ इन्डिया (पीटीआई)ले जनाएको छ ।

प्रहरीमा परेको उजुरीअनुसार महिलाले घर खर्च चलाउन र छोरीलाई राम्रो स्कूलमा पढाउन भन्दै एक वर्षदेखि मिर्गौला बेचेर केही पैसा कमाउन श्रीमानलाई दबाब दिँदै आएकी थिइन् ।

श्रीमतीको दबाबपछि श्रीमान १० लाखमा मिर्गौला बेच्न राजी भए । गत महिना मात्रै उनको शल्यक्रिया गरिएको उजुरीमा उल्लेख छ । घर फर्किएपछि उनकी श्रीमतीले आराम गर्न र बाहिर नजान आग्रह गरेकी थिइन् ।

श्रीमान घरमै आराम गरिरहेका थिए । तर, एक दिन घरबाट निस्केकी श्रीमती भने फर्किनन् । केही समयपछि उनले १० लाख नगद र केही थप पैसा लिएर गएको खुल्यो ।

श्रीमानले उजुरीमा परिवारसहित श्रीमती खोज्न साथीभाइ र चिनजानको सहयोग मागेको बताएका छन् । उनी हावडाबाट टाढा कोलकाताको ब्याराकपुरमा फेला परिन् । संकरेल र ब्याराकपुर बीचको दूरी लगभग ५० किलोमिटर छ। उनी कथित रूपमा भागेको व्यक्तिसँग घरमा बस्दै आएकी थिइन् ।

उजुरीअनुसार फेसबुकमार्फत् ती महिलाको पुरुषसँग परिचय भएको थियो । उनी विगत एक वर्षदेखि प्रेम सम्बन्धमा रहेको बताइएको छ ।

श्रीमान पुग्दा उनले बाहिरै आउन अस्वीकार गरिन् । उल्टै १६ वर्षको वैवाहिक जीवनमा शारीरिक र मानसिक यातना दिएको आरोपमा ‘प्रेमी’ले सम्बन्धविच्छेदको मुद्दा दायर गर्ने चेतावनी दिएको समाचारमा उल्लेख छ ।

ती महिलाले आफ्नो ससुरा घरबाट नगद लिएको पुरुषले अस्वीकार गरे । ती महिलाले पनि आफूले जम्मा भएको रकम मात्रै लिएको दाबी गरिन् । उजुरीका आधारमा अनुसन्धान थालिएको प्रहरीले जनाएको छ ।

प्रकाशित मिति: सोमबार, माघ २१, २०८१ १३:५१

प्रतिक्रिया दिनुहोस्