केडिया आँखा अस्पतालको स्वर्ण महोत्सव कार्यक्रम सम्पन्न, अस्पताललाई मुलुककै उत्कृष्ट अस्पताल बनाउन उपराष्ट्रपति यादवको सुझाव

समाचार

गृहपृष्ठ
समाचार

केडिया आँखा अस्पतालको स्वर्ण महोत्सव केडिया आँखा अस्पतालको स्वर्ण महोत्सव कार्यक्रम सम्पन्न, अस्पताललाई मुलुककै उत्कृष्ट अस्पताल बनाउन उपराष्ट्रपति यादवको सुझाव

राकेश साह सोमबार, फागुन १२, २०८१

वीरगंज : रामकुमार महाबिर प्रसाद केडिया आँखा अस्पतालले आज एक बिशेष समारोहका बिच स्वर्ण महोत्सव मनाएको छ । नेपालका उपराष्ट्रपति रामसहाय राय यादवको प्रमुख आतिथ्यमा अस्पतालले स्वर्ण महोत्सव मनाएको हो । कार्यक्रमलाई सम्बोधन गर्दै प्रमुख अतिथी यादवले बिगत ५० बर्षदेखि नेपाल र भारतका जनताहरुको आँखा उपचार गर्दै आएको केडिया आँखा अस्पतालको सेवाबाट आफु खुशी भएको बताए ।

उहाँले नेपालको प्रवेशद्वार वीरगंज नजिकै स्थापित अस्पतालले स्थापनकाल देखि नै आँखाको उपचारमा महत्वपुर्ण योगदान गरेको भन्दै स्थापक ,डाक्टर ,कर्मचारी तथा सहयोगीहरुको प्रंशसा गर्दै धन्यवाद समेत व्यक्त गर्नुभयो । उहाँले केडिया आँखा अस्पताल बाट १८ प्रकारका आँखा उपचार सेवा प्रदान हुनु आफैमा महत्वपुर्ण कुरा रहेको भन्दै उहाँले आधुनिक सुबिधाको प्रयोग गर्दै केडिया आँखा अस्पताललाई मुलुककै उत्कृष्ट अस्पताल बनाउन सुझाव दिनुभयो ।

स्वर्ण महोत्स उद्घाटन गर्नुपुर्व उपराष्ट्रपति यादवले अस्पताल परिसरमा निर्माण गरिएको दृष्टि स्मारक र बिरामीहरुलाई फलफुल समेत बितरण गर्नुभएको थियो । सो अवसरमा उपराष्ट्रपति यादवले अस्पतालद्वारा प्रकाशित स्मारिकाको बिमोचन समेत गरेका थिए ।
कार्यक्रममा आँखा क्षेत्रकै पहिलो सर्वाधिक धनराशीको पुरस्कार दुई लाख ५१ हजार धनराशीको पुरस्कारबाट प्रा। डा। सुनु दुलाल सम्मानित भएका थिए । कार्यक्रममा दृष्टिबिहिन छात्रछात्राहरुलाई छात्रवृति,हवाईट केन,फरक योग्यता भएका व्यक्तिलाई व्हिल चेयर एवं ग्रामिण क्षेत्रका महिला स्वयंसेवकलाई स्ट्रेचर प्रदान गरिएको थियो ।

कार्यक्रम जापानका बरिष्ठ डाक्टर जुनसुक आकुरा,पहिलो आँखा अस्तालको शुरुवात गर्ने रामप्रसाद पोखरेलर दाता परमेश्वरी देवी केडियालाई मायाको चिन्हो र दोसल्ला ओढाई सम्मानित समेत गरिको थियो । अस्पतालले हाल सम्म २७ लाख भन्दा बढि बिरामीको उपचार र ४ लाख भन्दा बढि बिरामीको शल्यक्रिया गरिसकेको जनाएको छ ।

अस्पताल व्यवस्थापन समितीका अध्यक्ष परमेश्वरी देवी केडियाको अध्यक्षतामा सम्पन्न कार्यक्रममा राजेश कुमार केडियाले स्वागत मन्तव्य व्यक्त गर्नुभएको थियो । परवानीपुर गाँउपालिका वडा नम्बर ४ चैनपुर स्थित अस्पताल प्रागंनमा सम्पन्न कार्यक्रमको सहजीकरण संचारकर्मी लक्ष्मी खरेलले गर्नुभएको थियो ।

प्रकाशित मिति: सोमबार, फागुन १२, २०८१ १५:४७