नेपाल पत्रकार महासंघ र भारतीय महावाणिज्य दूतावासबीच मैत्रीपूर्ण क्रिकेट सम्पन्न

खेलकुद

गृहपृष्ठ
खेलकुद

नेपाल पत्रकार महासंघ र भारतीय महावाणिज्य दूतावासबीच मैत्रीपूर्ण क्रिकेट सम्पन्न

choicekhabar शनिबार, फागुन २४, २०८१

नेपाल पत्रकार महासंघ पर्सा शाखा र भारतीय महावाणिज्य दूतावासबीच आज मैत्रीपूर्ण क्रिकेट प्रतियोगिता सम्पन्न भएको छ। वीरगञ्जको ज्ञानदा एकेडेमी मा सम्पन्न खेलमा भारतीय महावाणिज्य दूतावास ६ विकेटले विजयी भएको छ।

१५ ओभरको खेलमा टस जितेर पहिले ब्याटिङ गरेको नेपाल पत्रकार महासंघ पर्सा शाखाको टोलीले आठौं ओभरसम्ममा मात्र २४ रन बनाएर अलआउट भएको थियो। जवाफी ब्याटिङमा उत्रिएको भारतीय महावाणिज्य दूतावासको टोलीले २५ रनको लक्ष्य ४ विकेट गुमाउँदै पूरा गर्यो।

प्रतियोगितामा नेपाल पत्रकार महासंघका खेलाडी सद्दाम हुसैन ‘म्यान अफ द म्याच’ घोषित भए। उनलाई भारतीय महावाणिज्यदूत देवी सहाय मीणाले शील्ड प्रदान गरे।

भारतीय महावाणिज्यदूत मीणाले खेलकुदको माध्यमले नेपाल पत्रकार महासंघ र भारतीय महावाणिज्य दूतावासबीचको सम्बन्ध थप प्रगाढ बन्ने विश्वास व्यक्त गरे।

नेपाल पत्रकार महासंघ पर्साका अध्यक्ष ओमप्रकाश खनालले पनि खेलमा जित(हार स्वाभाविक भए पनि मुख्य उद्देश्य आपसी सम्बन्धलाई मजबुत बनाउनु रहेको बताए। उनले यस्ता प्रतियोगितालाई निरन्तरता दिनुपर्नेमा जोड दिए।
यस प्रकारका मैत्रीपूर्ण खेलकुद गतिविधिहरूले दुई पक्षबीचको सम्बन्धलाई अझ सुदृढ बनाउन मद्दत गर्ने विश्वास गरिएको छ।

प्रकाशित मिति: शनिबार, फागुन २४, २०८१ १९:२५

प्रतिक्रिया दिनुहोस्