सञ्चारिका समूह नेपाल मधेस प्रदेशको दोस्रो अधिवेशन उद्घाटन सत्र सम्पन्न, पत्रकार र पत्रकारिता क्षेत्रको विकासमा प्रदेश सरकार प्रतिबद्ध रहेको मुख्यमन्त्री सिंहको भनाइ

समाचार

गृहपृष्ठ
समाचार

सञ्चारिका समूह नेपाल मधेस प्रदेशको दोस्रो अधिवेशन उद्घाटन सत्र सम्पन्न, पत्रकार र पत्रकारिता क्षेत्रको विकासमा प्रदेश सरकार प्रतिबद्ध रहेको मुख्यमन्त्री सिंहको भनाइ

choicekhabar मंगलबार, फागुन २७, २०८१

सञ्चारिका समूह नेपाल मधेस प्रदेशको दोस्रो अधिवेशनको बर्दिबासमा मंगलवार उद्घाटन सत्र सम्पन्न भएको छ । मधेसका मुख्यमन्त्री सतिशकुमार सिंहले पत्रकार र पत्रकारिता क्षेत्रको विकासमा प्रदेश सरकार प्रतिबद्ध रहेको बताएका छन ।

मुख्यमन्त्री सिंहले प्रदेश सरकारले आफ्ना सीमित साधन स्रोतभित्रबाट पत्रकारिता क्षेत्रको पर्वद्धनका लागि प्रयत्न गरिरहेको बताए । मुख्यमन्त्री सिंहले पत्रकारलाई समाजको ऐनाको उपमा दिदै सत्यतथ्य सूचनाले राज्यका सबै निकायलाई आफ्ना कामबारे समीक्षा गर्ने र सच्चिएर अघि बढ्ने अवसर प्राप्त हुने बताए ।

उनले पत्रकारितामा रहेकाहरुलाई सबैपक्षको सहयोग र सद्भाव आवश्यक रहेको बताए । उनले पत्रकार महिलालाई पेसामा टिकाइ राख्न राज्यका निकाय र सामाजिक सङ्घसंस्थाको सकारात्मक भूमिका हुनपर्ने बताए।

स्वास्थ्य, शिक्षा र रोजगारका अन्य अवसरमा महिलाको पहुँच बढाउन प्रदेश सरकार प्रयत्नशील रहेको कार्यक्रममा मुख्यमन्त्री सिंहले बताए । पत्रकारले राजनीतिक आग्रहबाट मुक्त भई निष्पक्ष रुपमा पेसागत धर्म निर्वाह गर्नपर्ने उनले अपिल गरे ।

कार्यक्रममा सञ्चारिका समूह मधेस प्रदेशकी अध्यक्ष सुनिता बराल, संचारिका समुह का केन्द्रीय सदस्य सरोला दाहाल , जिल्ला समन्वय समितिका प्रमुख सुमनकुमार लाल कर्ण, नेपाल पत्रकार महासङ्घका केन्द्रीय लेखा संयोजक के.सी. लामिछाने, महासङ्घका मधेश प्रदेश अध्यक्ष श्याम वञ्जारा उपाध्यक्ष अम्बिका दाहाल लगायतले आ–आफ्नो धारणा ब्यक्त गरेका थिए ।

प्रकाशित मिति: मंगलबार, फागुन २७, २०८१ १८:२५

प्रतिक्रिया दिनुहोस्