सडक डिभिजन हेटौंडा कार्यालयले मुख्य सडक २५×२५ मिटर सीमाङकन गर्न नापी कार्यालय बीरगंजलाई पठायो परिपत्र

समाचार

गृहपृष्ठ
समाचार

सडक डिभिजन हेटौंडा कार्यालयले मुख्य सडक २५×२५ मिटर सीमाङकन गर्न नापी कार्यालय बीरगंजलाई पठायो परिपत्र

choicekhabar आइतबार, चैत १०, २०८१

वीरगञ्ज– मुख्य सडक विस्तार गर्न सडक डिभिजन हेटौंडा कार्यालयका प्रमुख गुरुप्रसाद अधिकारीले आज एक सुचना प्रकाशित गरि नापी कार्यालय पर्सालाई मुख्य सडकको सीमाङकन गरि सडक सम्पत्ति संरक्षण गर्न कार्यमा सहयोग पुराउन परिपत्र गरेको छ।

सर्वोच्च अदालतले मुख्य सडक फराकिलो गर्ने सम्बन्धमा २५×२५ मिटर त्रिभुवनराजपथको गण्डक चौक ,पावरहाउस चौक,घन्टाघर ,बिर्ता ,रजत जयन्ती चौक,मितेरी पुलसम्मको सडक विस्तार गर्नुपर्ने भएकोले उक्त सुचनापत्र जारी गरिएको सडक डिभिजन हेटौंडाका प्रमुख अधिकारीले जानकारी दिएका छन् ।

मुख्य सडक विस्तार सम्बन्धमा चैत ५ गते बीरगंज महानगरपालिकाको कार्यालयमा भएको निर्णय अनुसार तोड्नु पर्ने क्षेत्रको सीमाकन गर्ने भएकोले सडक विभाग काठमाडौं ,सडक विभाग संघीय सडक सुपरिवेक्षण तथा अनुगमन कार्यालय काठमाडौ ,बीरगंज महानगरपालिका कार्यालयलाई आवश्यक सहयोग र समन्वय ,जिल्ला प्रशासन कार्यालय पर्सा ,बीरगंज पथलैया सडक योजना पथलैया आवश्यक समन्वय सहयोग ,इन्जिनियर रजित साह सडक डिभिजन हेटौंडा आवश्यक समन्वय गर्न भनी परिपत्र पठाएको छ।

बीरगंजको मुख्य सडक फराकिलो हुने भए पछि स्थानीय घर धनीहरुमा अहिले ठूलो त्रास सिर्जना भएको छ। केही दिन अगाडि हुलाकी राजमार्ग अभियान कार्यक्रममा नेकपा माओवादी केन्द्रका अध्यक्ष पुष्प कमल दाहाल प्रचण्डले जनता संग माओवादी कार्यक्रममा बीरगंजको पानी टंकीमा बीरगंज फराकिलो अहिलेको आवश्यकता नहरको भनेर बताएका थिए भने हिजो मात्र नेकपा एमालेका सामान्य प्रशासन मन्त्री राजकुमार गुप्ताले सडक फराकिलो हुनुपर्छ तर २५×२५ मिटर होइन १५×१५ मिटर आवश्यकता रहेको भनेर आफ्नो धारणा राख्नु भएको थियो ।

बीरगंजको विकास हुनुपर्छ भनेर बताउने तर अहिले मुख्य सडकको बारेमा आ–आफ्नो राजनीतिक रोती सेक्ने भाडाको रुपमा प्रयोग गर्न थालेको यहाँका जानकारहरु बताउँछन् ।

प्रकाशित मिति: आइतबार, चैत १०, २०८१ १३:४८

प्रतिक्रिया दिनुहोस्