रौतहटमा नेकपा (एकीकृत समाजवादी) को नवौं जिल्ला अधिवेशन सम्पन्न, कमल यादव अध्यक्षमा निर्वाचित

समाचार

गृहपृष्ठ
समाचार

रौतहटमा नेकपा (एकीकृत समाजवादी) को नवौं जिल्ला अधिवेशन सम्पन्न, कमल यादव अध्यक्षमा निर्वाचित

choicekhabar आइतबार, चैत ३१, २०८१

वीरगन्ज- रौतहट जिल्लामा नेपाल कम्युनिस्ट पार्टी (एकीकृत समाजवादी) को नवौं जिल्ला अधिवेशन सफलतापूर्वक सम्पन्न भएको छ। अधिवेशनले सर्वसम्मतिले कमरेड कमल यादवलाई नयाँ जिल्ला अध्यक्षको रूपमा निर्वाचित गरेको छ।

यसैगरी, कमरेड मदन सापकोटा र कमरेड जिन्दा देवीलाई उपाध्यक्ष पदमा चयन गरिएको छ। कमरेड बालकृष्ण श्रेष्ठले जिल्ला सचिवको जिम्मेवारी प्राप्त गर्नुभएको छ भने उपसचिवसहित सम्पूर्ण नयाँ कार्यसमितिका सदस्य कमरेडहरूलाई पनि अधिवेशनले चयन गरेको छ।

अधिवेशनमा पार्टीका विभिन्न नेता तथा कार्यकर्ताहरूको उपस्थिति रहेको थियो। नवनिर्वाचित अध्यक्ष क. कमल यादवले आफ्नो मन्तव्यमा पार्टीलाई जिल्लामा थप सुदृढ बनाउँदै जनताको हितमा काम गर्ने प्रतिबद्धता व्यक्त गर्नुभयो। उहाँले सबै सदस्यहरूको सहयोग र सहकार्यको अपेक्षा राख्दै पार्टीको लक्ष्य हासिल गर्न एकजुट भएर अगाडि बढ्नुपर्नेमा जोड दिनुभयो।

उपाध्यक्षद्वय क. मदन सापकोटा र क. जिन्दा देवी तथा सचिव क. बालकृष्ण श्रेष्ठले पनि पार्टीको नीति र कार्यक्रमलाई प्रभावकारी रूपमा कार्यान्वयन गर्न आफ्नो तर्फबाट सक्दो प्रयास गर्ने बताएका छन्।

नेकपा (एकीकृत समाजवादी) रौतहटले नवौं जिल्ला अधिवेशन सफलतापूर्वक सम्पन्न गरेकोमा सम्पूर्ण निर्वाचित पदाधिकारी तथा सदस्यहरूलाई हार्दिक बधाई ज्ञापन गरेको छ र उहाँहरूको सफल कार्यकालको शुभकामना व्यक्त गरेको छ। पार्टीले आगामी दिनमा रौतहट जिल्लामा थप सक्रिय र सशक्त भूमिका निर्वाह गर्ने विश्वास लिएको छ।

प्रकाशित मिति: आइतबार, चैत ३१, २०८१ ०९:४४

प्रतिक्रिया दिनुहोस्