वीरगन्जमा कर्फु हटाएर निषेधाज्ञा जारी

समाचार

गृहपृष्ठ
समाचार

वीरगन्जमा कर्फु हटाएर निषेधाज्ञा जारी

choicekhabar सोमबार, वैशाख १, २०८२

वीरगञ्ज : पर्सा जिल्लाको वीरगञ्जमा जारी कर्फ्यू आदेश हटाइएको छ। दुई समुदायबीचको विवादका कारण शनिबार साँझ ६स्३० बजेदेखि लागू गरिएको कर्फ्यू आइतवार राति १२ बजेबाट हटाइएको जिल्ला प्रशासन कार्यालय पर्साले जनाएको छ।

जिल्ला सुरक्षा समितिको निर्णयअनुसार कर्फ्यू हटाइएको भए पनि शान्ति सुरक्षा कायम गर्न वीरगञ्ज महानगरपालिकाको चारवटा क्षेत्रमा भने निषेधाज्ञा जारी गरिएको प्रमुख जिल्ला अधिकारी गणेश अर्यालले जानकारी दिएका छन्।

निषेधाज्ञा स्थानीय प्रशासन ऐन २०२८ को दफा ६ (३क) अनुसार जारी गरिएको प्रजिअ अर्यालले हस्ताक्षरित सूचना मार्फत जनाइएको छ। निषेधाज्ञा अवधिभर वीरगञ्जका तोकिएका क्षेत्रमा सभा, जुलुस, प्रदर्शन र भीडभाड गर्न कडाईका साथ रोक लगाइएको छ।

प्रशासनले आम नागरिकलाई शान्ति सुरक्षामा सहयोग पुर्‍याउँदै निषेधाज्ञाको पूर्ण पालना गर्न आग्रह गरेको छ। आदेश उल्लंघन गर्नेहरूमाथि कानूनी कारबाही गरिने चेतावनी समेत प्रशासनले दिएको छ।

शनिवार साँझदेखि लागू गरिएको कर्फ्यू आइतवार दिनभर स्थानीय प्रशासन र सरोकारवाला पक्षबीच सहमतिपछि हटाइएको जनाइएको छ। विवाद साम्य भएपनि सावधानीका रुपमा निषेधाज्ञा जारी गरिएको बताइएको छ।

प्रकाशित मिति: सोमबार, वैशाख १, २०८२ १०:१३

प्रतिक्रिया दिनुहोस्